પાના નંબર – ૧
મા, ભાનુ ઉપર ખુબ પ્રસન્ન થયા. ભાનુએ વિશ્વ-સંગીતની અગિયાર વર્ષ ઉપાસના કરી. ભાનુના માનસ પટ પર મા આવ્યા.(૧)મા બોલ્યાઃ:બેટા, તારી ભક્તિ અને શ્રદ્ધાથી હું પ્રસન્ન થઇ છું અને આથી મારી મૂળભૂત કામ કરવાની રીત તને બતાવું છું.(૨)તમામ કામોમાં ફક્ત સત્વગુણનો જ વિજય થાય છે. બધા ગુણોને હું પોતે જ લડાવું છું. અને અંતે સત્વગુણનો વિજય કરાવું છું.(૩)મારો આ મહાન ગુપ્ત ગુણને ફક્ત ગુણ મારામાં સર્વત્ર વ્યાપ્ત છે અને બધી જગ્યાએ પ્રસરેલો છે.(૪)મારા આ મહાન ગુપ્ત ગુણને ફક્ત સાત્વિક માનસ દ્વારા જ સમજી શકાય છે.(૫)મારા આ મહાન ગુણને માનસપટ પર સમજનાર માણસ આ ગુણને ભગવાન યા ઇશ્વર કહે છે.(૬)ઉચ્ચ આધ્યાત્મિક શક્તિ ધરાવનાર માણસ મારા ગુણને માનસપટ ઉપર ધરી તેનું ધ્યાન ધરે છે.(૭)પાના નંબર – ૨
આ માનસ પટ ઉપર ધ્યાનથી મારા આ મહાન ગુણમાં પોતાની જાતને, આત્માને, બુદ્ધિને, મનને એકાગ્ર કરી ઓગાળી નાખનાર માણસ પોતે જ ભગવાન બની જાય છે.(૮)એકવાર આવી ગતિ પામ્યા પછી તેનો સાર્વત્રિક વિજય થાય છે.(૯)વિશ્વની કોઇપણ વસ્તુ મેળવવા તે શક્તિમાન બને છે.(૧0)તેના તેજથી સમગ્ર ચૈતન્ય તેના ઉપર આકર્ષાય છે.(૧૧)તેની વાણીમાં મારૂ સાત્વીક તેજ આવે છે.(૧૨)દુનિયાના તમામ વિકારોથી તે ઉંચો આવી જાય છે.(૧૩)તે જ્યાં હોય ત્યાં હંમેશ મંગલ થાય છે.(૧૪)તે જ્યાં હોય ત્યાં સર્વત્ર આનંદ અને માત્ર આનંદ થાય છે.(૧૫)તું ભગવાન શું કહેવાય તે સમજવા માંગતો હતો. ભગવાન તે મારો આ ઉચ્ચ ભાવ છે.(૧૬)ફક્ત જ્ઞાનીઓ આ સમજી શકે છે. કારણ આ એક ઉચ્ચ માનસભાવ છે.(૧૭)આ ભાવને સમજનાર મારો “સંદેશવાહક” પયગમ્બર બને છે.(૧૮)મારા તમામ જે તે વખતના અન જે તે સ્થળના જરૂરી કામો હું તેના દ્વારા કરાવું છું.(૧૯)પાના નંબર – ૩
મારૂં કામ પત્યા બાદ હું જ તેને મારા ખોળામાં ઓગાળું છું.(૨0)મારા આ ઉચ્ચ ભાવને માનસ-પટ પર લાવી સમજનાર અને તેમાં પોતાનું તમામ ઓગાળનાર માણસ મૃત્યુ પામ્યા છતાં મૃત્યુ પામતો નથી.(૨૧)તે માણસનું તે સ્વરૂપ ગમે તે રીતે આ પૃથ્વી ઉપર કાયમી થઇ જાય છે.(૨૨)આનાથી ઉંચી અવસ્થા કોઇ નથી.(૨૩)હું પણ મારા ઉચ્ચ ગુપ્ત ગુણને તાબે છું.(૨૪)મારે વહેવા માટે હું મારી મરજીથી મારા ઉચ્ચ ગુણને તાબે છું.(૨૫)તુ મારા મહાન ઉચ્ચગુણને માનસપટ પર લાવ.(૨૬)તારા, મન, બુદ્ધિ અને આત્માને તેમાં ઓગાળ.(૨૭)આમ ઓગાળવાથી તું મારા આ દિવ્યગુણમાં એકાકાર થઇ જઇશ.(૨૮)આ પછી તારે કશું પામવું બાકી નહિ રહે.(૨૯)તારા માનવચક્ષુ સમગ્ર વિશ્વને નિહાળી શકશે.(૩0)આમાં ઓગળતા મનુષ્યો જ્યારે આ ભવમાંથી બહાર આવે છે. ત્યારે તરત જ વાસ્તવિક મર્યાદાઓ તેમને નડે છે.(૩૧)આ ભાવને તેઓ અનુભવી શકે છે પણ વર્ણવી શકતા નથી.(૩૨)પાના નંબર – ૪
તેમના વર્ણનમાં તેમની પોતાની મર્યાદાઓ આવી જાય છે.(૩૩)આમ તેઓ પોતે સમજ્યા હોય છે, પણ સમજાવી શકતા નથી.(૩૪)અને આથી જ તને ખ્યાલ આવશે કે મારો આ મહાન ગુપ્ત ભાવ ફક્ત સમજી શકાય છે, વર્ણવી શકતો નથી.(૩૫)મારો આ ગુપ્ત મહાન ભાવ છે. જેને “ઇશ્વર”, “ગોડ”, “અલ્લાહ” તરીકે લોકો ઓળખે છે.(૩૬)તેને યાદ કરવાથી “પ્રાર્થના કરવાથી” વિનંતી કરવાથી આ ભાવ તરત જ મદદે આવે છે.(૩૭)સામાન્ય મનુષ્યને સામાન્ય બનાવો ઉપરથી લાગે કે મારો આ ભાવ કામ કરતો જ નથી.(૩૮)પરંતુ તે તેમનું અજ્ઞાન છે. વાસ્તવમાં મારો આ ભાવ પોતે પોતાની રીતે વર્તે છે. અને જ્ઞાનીઓ જ્ઞાન ચક્ષુ વડે તે નિહાળે છે.
(૩૯)મારા આ ભાવમાં શ્રદ્ધા ધરાવનાર કદી નિરાશ થતો નથી.(૪0)તેની હારમાં પણ તેની જીત હોય છે. (૪૧)તું મારા આ મહાન ગુપ્ત ભાવમાં માનસિક રીતે મસ્ત થા.(૪૨)હું તારું કલ્યાણ કરીશ.(૪૩)તને મારામાં ઓગાળી દઇશ. મનુષ્ય માટે આનાથી ઉંચી કોઇ વસ્તુ પામવાની હોતી નથી.(૪૪)પાના નંબર – ૫
“પરમ બ્રહ્મ” ને પામવાની અવસ્થા તે આ અવસ્થા છે.(૪૫)તારુ કલ્યાણ થાઓ.(૪૬)આટલું બોલી મા અદ્રશ્ય થઇ ગયા. (૪૭)ભાનું માના આ ભાવમાં ડુબેલો જાગ્યો. (૪૮)“મા”, “મા” કરતો તે લવારો કરવા લાગ્યો. (૪૯)પછી તે એકદમ રડવા લાગ્યો.(૫0)પ્રથમ અધ્યાય સમાપ્ત
