પાના નંબર – ૬
ભાનુ, માના આ ભાવમાં શ્રદ્ધાથી રચ્યો પચ્યો રહેવા માંડ્યો.(૧)ભાનુનું મન ફક્ત માના આ મહાન ગુણનું ચિંતન કરવા લાગ્યું.(૨)આ વાગોળતા વાગોળતા ભાનુ, “મા, મા, મા” કરવા લાગ્યો.(૩)ભાનુના માનસ પટ પર મા આવ્યા.(૪)મા બોલ્યાઃ :-તારા આ ચિંતનથી હું ખુબ જ ખુશ થઇ છું. (૫)આ ભાવની મસ્તીથી માણસ મારા અનન્ય ભાવ તરફ ગતિ કરે છે. (૬)મારા ભાવને જ્યારે અનન્ય ભાવ લાવી તે ભાવને માનસ દ્વારા “પુરૂષરૂપ” તરીકે ચિંતન કરે છે ત્યારે તેને “બ્રહ્મનારાયણ”નો પાર્દુભાવ થાય છે.(૭)મારા આ અનન્યભાવનું મનમાં પરપુરૂષ કલ્પવાથી માનસપટ પર “બ્રહ્મનારાયણ” નાં દર્શન થાય છે.(૮)આ મારું ખરૂં પુરૂષરૂપ છે. (૯)હું પ્રકૃતિ છું, મારૂ સર્વશ્રેષ્ઠ પુરૂષરૂપ તે આ છે. (૧0)પાના નંબર – ૭
મારું આ પુરૂષરૂપ અજેય છે, મંગલકારી છે, સર્વનું કલ્યાણ કરનાર છે. (૧૧)જ્યાં જ્યાં મારા આ પુરૂષરૂપનું પ્રાગટ્ય થાય છે ત્યાં ત્યાં આનંદ-મંગળ થાય છે.(૧૨)ત્યાં ત્યાં પ્રકૃતિનાં તમામ સાત્વિકરૂપોનું આપો આપ પ્રાગટ્ય થાય છે. (૧૩)ત્યાં ત્યાં પ્રકૃતિની તમામ લક્ષ્મી હાજર થાય છે. (૧૪)ત્યાં ત્યાં પ્રકૃતિનાં પરમ તેજો પ્રકાશવા લાગે છે. (૧૫)મારા પુરૂષરૂપનું આ સર્વશ્રેષ્ઠ પ્રાગટ્ય છે. (૧૬)આ પુરૂષની સદાય જીત જ થાય છે. તેને હારવાનો પ્રશ્ન જ થતો નથી.(૧૭)આ પુરૂષ સર્વવ્યાપી છે, અને તે પ્રકૃતિ એટલે કે મારૂં જ કામ કરી રહ્યો છે. (૧૮)જે સ્ત્રીઓ મારા આ પુરૂષરૂપનું ચિંતન કરી તે પુરૂષમાં માનસિક રીતે એકાકાર કરે છે તે સ્ત્રીઓ મારી અનન્ય સ્થિતિને પ્રાપ્ત કરે છે.(૧૯)આ પુરૂષથી કોઇ શ્રેષ્ઠ નથી. (૨0)મારા ઉચ્ચતમ પુરૂષરૂપ આ સ્થિતિને માનસપટ પર સ્થિર કરી મારા આ પુરૂષરૂપમાં એટલે કે “બ્રહ્મનારાયણ” રૂપમાં જે એકલીન થઇ જાય છે તે વ્યક્તિમાં “બ્રહ્મનારાયણ” નાં તેજો આવવા માંડે છે.
(૨૧)પાના નંબર – ૮
આવી વ્યક્તિનો સર્વત્ર વિજય થાય છે. (૨૨)તેને પ્રકૃતિની તમામ પ્રકારની સેવાઓ આપોઆપ ઉપલબ્ધ થાય છે. (૨૩)પ્રકૃતિ આવી વ્યક્તિ માટે તમામ દિશાઓ ખોલી નાખે છે.(૨૪)આવી વ્યક્તિ જ્યાં જ્યાં જાય ત્યાં ત્યાં તમામ પ્રકારના સુખ અને માત્ર સુખ પેદા થાય છે. (૨૫)આવી વ્યક્તિ પાસે આવેલી કોઇ પણ મુશ્કેલી તેના લાભમાં ફેરવાઇ જાય છે.(૨૬)મારા આ “બ્રહ્મનારાયણ” સ્વરૂપના પુરૂષ રૂપને ઋષિઓએ વિષ્ણુરૂપ, નારાયણરૂપ વગેરે નામોથી નવાજ્યું છે.(૨૭)આખરે આ બધું મારૂ શ્રેષ્ઠ પુરૂષરૂપ છે. (૨૮)દરેક પુરૂષમાં આ મારૂ “બ્રહ્મનારાયણ” રૂપ રહેલું છે. (૨૯)આ રૂપ ઉપર વિકારોનાં પડળો વિંટાઇ જવાથી તે જોઇ શકતો નથી. (૩0)આ વિકારોનાં પડળો ભેદીને જે મારા વિશિષ્ટ પુરૂષરૂપને જાગ્રત કરે છે. તેને મારા “બ્રહ્મનારાયણ” નાં દર્શન માનસપટ પર થાય છે.(૩૧)ચૈતન્યનાં દરેક પુરૂષરૂપમાં આ “બ્રહ્મનારાયણ” સમાયેલ છે. (૩૨)દરેક સ્ત્રીનાં હૃદયમાં મારૂ આ વિશિષ્ટ “બ્રહ્મનારાયણ” પુરૂષરૂપ રહેલું છે. (૩૩)પાના નંબર – ૯
મારે જ્યારે જરૂર પડે છે ત્યારે મારા આ વિશિષ્ટ “બ્રહ્મનારાયણ” રૂપનું કોઇપણ પુરૂષમાં પ્રાગટ્ય કરૂ છું. (૩૪)આમ થવાની સાથે જ તે પુરૂષમાં દિવ્ય શક્તિઓનું પ્રાકટ્ય થાય છે. (૩૫)સમગ્ર પ્રકૃતિ આ પુરૂષને તાબે થાય છે કારણ કે મારા માટે આનાથી મોટું કોઇ રૂપ નથી. (૩૬)તને મેં મારા પુરૂષરૂપના દર્શન માનસપટ પર કરાવ્યા.(૩૭)તને આ પુરૂષના મહામંત્ર આપ્યો.ऊँम श्रीं हीं श्रीं ब्रह्मनारायण नमः”(૩૮)તેં બે વર્ષ આ મંત્રની ખુબ જ આત્માથી માળાઓ કરી. આ બ્રહ્મનારાયણને માનસપટ પર પકડી રાખ્યા.(૩૯)આથી મારું આ “બ્રહ્મનારાયણ” સ્વરૂપ તારા ઉપર પ્રસન્ન થયું છે. (૪0)આમ કહી એ પોતાનં રૂપ બદલી “બ્રહ્મનારાયણરૂપ” કરી નાંખ્યું. (૪૧)બ્રહ્મનારાયણ બોલ્યાઃવિશ્વના અણુએ અણુમાં પથરાયેલું મારૂં આ રૂપ તું અનંતતાની આંખે જો.(૪૨)વિશ્વમાં હું સર્વત્ર વ્યાપ્ત છું. (૪૩)પાના નંબર – ૧0
આ સમગ્ર પ્રકૃતિનું હું સર્વશ્રેષ્ઠ રૂપ હોવાથી સમગ્ર પ્રકૃતિ મારે તાબે થાય છે. (૪૪)પ્રકૃતિનો જ હું સર્વશ્રેષ્ઠ ભાવ છું અને પ્રકૃતિ જ મને તાબે થાય છે. આવા વિશિષ્ટ પ્રકારના જ્ઞાનનો આર્વિભાવ ફક્ત જ્ઞાનીઓને જ થાય છે. (૪૫)તારો જન્મ મારા આ ભાવની પૂજા કરવા માટે થયો છે. (૪૬)આમ કરવાથી તું સમગ્રતયા મારામય બની જઇશ. (૪૭)એકવાર પ્રકૃતિનાં આ મહાન રૂપમાં એકાકાર થઇ ગયા બાદ કંઇ પામવાનું રહેતું નથી.(૪૮)સર્વત્ર વિજય, આનંદ, સુખ, દિવ્ય તેજોનું પ્રાગટ્ય થાય છે. (૪૯)પ્રકૃતિનાં અન્ય રાજસ કે તામસ ભાવ નજીક આવી શકતા નથી.(૫0)આમ થવાથી સમગ્ર જીવન કલ્યાણમય બને છે. (૫૧)ભાનુ “બ્રહ્મનારાયણ”ના રૂપમાં માસનથી ડૂબેલો “બ્રહ્મનારાયણ” “બ્રહ્મનારાયણ” બોલતો બોલતો જાગ્રત થયો. (૫૨)માના આવા વિશિષ્ટ પુરૂષરૂપનાં દર્શન કરી ભાનુ આનંદવિભોર થઇ ગયો.(૫૩)“મલી ગયું” “મલી ગયું” ની બુમો પાડતો ભાનુ નાચવા લાગ્યો. (૫૪)પાના નંબર – ૧૧
નાચતા નાચતા ભાનું “બ્રહ્મનારાયણ” “બ્રહ્મનારાયણ”ની ધૂન બોલવા લાગ્યો. (૫૫)બ્રહ્મનારાયણ ને સાષ્ટાંગ નમસ્કાર, કરોડ કરોડ નમસ્કાર એમ બોલી લાંબો થઇ પગે લાગવા માંડ્યો.(૫૬)જીવનનું જાણે અંતિમ ધ્યેય પ્રાપ્ત થયું તેવો આનંદ થવા લાગ્યો.(૫૭)બીજો અધ્યાય સમાપ્ત
