પાના નંબર – ૧૨
ભાનુ બ્રહ્મનરાયણના રૂપમાં માનસકિ રીતે એકાગ્ર થવા માંડ્યો.(૧)ભાનુ માને વારંવાર યાદ કરતો “વાહ મા” “વાહ મા” એવું બોલવા લાગ્યો.(૨)ભાનુ મા મા કરતા કરતાં અર્ધ બેભાન અવસ્થામાં આવી જતો.(૩)આ અવસ્થામાં માનસપટ પર મા આવ્યા.(૪)મા બોલ્યાઃ :બેટા, તારી મસ્તીથી હું ખૂબ જ ખુશ છું.(૫)મારા પ્રકૃતિનાં વિશિષ્ટરૂપે પુરૂષ સ્વરૂપે બતાવ્યું.(૬)મારો વિશિષ્ટગુણ “સત્વગુણનો જ કાયમી વિજય” તેને તે પચાવ્યો.(૭)આ ગુણને માનસિક રીતે પુરૂષરૂપ આપો એટલે બ્રહ્મનારાયણનું પ્રાગટ્ય થાય છે.(૮)આ ગુણને માનસિક રીતે સ્ત્રીરૂપ આપો એટલે “બ્રહ્મલક્ષ્મી”નું પ્રાગટ્ય થાય છે.(૯)આ “બ્રહ્મલક્ષ્મી” રૂપ હંમેશા બ્રહ્મનારાયણરૂપમાં લીન રહે છે. (૧0)પાના નંબર – ૧૩
આ “બ્રહ્મનારાયણ” રૂપ પણ આ “બ્રહ્મલક્ષ્મી” ના રૂપમાં લીન રહે છે.(૧૧)આ બે રૂપો એકાકાર થાય છે ત્યારે ઘડીમાં “બ્રહ્મનારાયણ” અને ઘડીમાં “બ્રહ્મલક્ષ્મી” માનસપટ પર દેખાય છે. (૧૨)આ “બ્રહ્મલક્ષી” રૂપ જ્યાં હોય છે ત્યાં સર્વત્ર આનંદ-મંગળ હોયછે.(૧૩)પ્રકૃતિનાં તમામ પ્રકારનાં સુખો આ રૂપની સેવામાં ખડે પગે તૈયાર હોય છે.(૧૪)કોઇપણ સ્ત્રી આ રૂપનું ચિંતન કરી આ મુર્તિને માનસપટ પર લાવે કેતરત જ તે “બ્રહ્મલક્ષી” રૂપ બની જય છે.(૧૫)આ રૂપ આવ્યા બાદ પ્રકૃતિનો કોઇભાવ તેને હેરાન કરી શકતો નથી.(૧૬)આવી સ્ત્રી જ્યાં રહે છે ત્યાં મહાલક્ષ્મી અવશ્ય હાજર રહે છે અને ત્યાં લક્ષ્મીની કદી તૂટ રહેતી નથી.(૧૭)મારા આ વિશિષ્ટ ભાવનું આ વિશિષ્ટ સ્ત્રી સ્વરૂપ ફક્ત માનસ ચક્ષુ દ્વારા જ જોઇ શકાય છે.(૧૮)ફક્ત જ્ઞાનીઓ જ આ રૂપને માનસ ચક્ષુ દ્વારા નિહાળે છે.(૧૯)આ રૂપને મળવાથી “બ્રહ્મનારાયણ” રૂપ આપોઆપ મળે છે. (૨0)આ બંને રૂપો મળવાથી મનુષ્ય મારા વિશિષ્ટ ભાવને સમજી શકે છે.(૨૧)પાના નંબર – ૧૪
આ વિશિષ્ટ ભાવને સમજવાથી મારી સમજણ મનુષ્યમાં આવે છે.(૨૨)મારી અનંતતા પણ અનંત છે આથી કોઇપણ મનુષ્ય મને પૂરેપુરી સમજી શકો નથી.(૨૩)મારૂ આ બ્રહ્મલક્ષ્મી સ્વરૂપ સદા હાસ્ય, આનંદ અને સુખ ઉપજાવનારૂ છે.(૨૪)બ્રહ્મલક્ષ્મી અને બ્રહ્મનાયણરૂપનું મિલન મારી એક વિરલ ઘટના છે.(૨૫)હું મારા પુરૂષરૂપને અને મારા સ્ત્રીરૂપને કે જે મારા ગુપ્ત વિશિષ્ટ ગુણનું પુરૂષરૂપ અને સ્ત્રીરૂપ છે તેના મિલનથી રાજી રાજી થઇ જાઉં છું.(૨૬)આ મિલનથી વિશિષ્ટ પ્રકારનો વાયુ વહેવા માંડે છે. પ્રકૃતિના તમામ સાધનો તેમને અનુકુળ થવા માંડે છે.(૨૭)સામાન્ય માણસને આ ચમત્કાર લાગે છે. પરંતુ મારો આ અંદરનો ધર્મ છે.(૨૮)આ રૂપો દ્વારા હું આ જગત ઉપર દિવ્ય કામ કરાવું છું.(૨૯)સામાન્ય મનુષ્ય સ્વાર્થી હોય છે.(૩0)મારા આ વિશિષ્ટ પુરૂષરૂપ અને સ્ત્રીરૂપને કોઇ સ્વાર્થી હોતો નથી પરંતુ મારા વિશિષ્ટ ગુણને ઉપસાવવા તે તત્પર રહે છે.(૩૧)પાના નંબર – ૧૫
તે મારા જ રૂપો હોવાથી સર્વત્ર હું તેમનો વિજય કરાવું છું. તેમના દ્વારા આ જગતનાં વિવિધ ભાગોમાં વિવિધ કામો કરાવડાવું છું.(૩૨)મારું કામ પત્યાં બાદ હું આપોઆપ તેમને મારામાં વિલિન કરું છું. (૩૩)મારું આ રૂપ ધરાવનાર મૃત્યુ પામ્યા છતાં મૃત્યુ પામતો નથી અને તેનું તે રૂપ શાશ્વત થઇ જાય છે.(૩૪)તું મારા આ વિશિષ્ટ માનસકિ પુરૂષરૂપ “બ્રહ્મનારાયણ” અને વિશિષ્ટ સ્ત્રીરૂપ “બ્રહ્મલક્ષ્મી” નાં રૂપમાં તલ્લીન થા.(૩૫)“બ્રહ્મલક્ષ્મી” માટે તને હું ” ऊँ श्री हीं श्री ब्रह्मलक्ष्मयै नमः” નો મંત્ર આપું છું.(૩૬)આ મંત્રથી તું મારા આ વિશિષ્ટ સ્ત્રી રૂપને માનસપટ પર લાવી શકીશ.(૩૭)અત્યારે હું તને મારા વિશિષ્ટ સ્ત્રીરૂપનાં દર્શન આપું છું.(૩૮)આમ કહી મેં પોતાનું વિશિષ્ટ સ્ત્રીરૂપનું ભાનુના માનસપટ પર પ્રાગટ્ય કર્યું.(૩૯)ભાનું “બ્રહ્મલક્ષ્મી” નું દિવ્ય તેજોમય રૂપ જોઇ આભો થઇ ગયો.(૪0)મા, મા, મા કરતો ભાનુ જમીન ઉપર સાષ્ટાંગ પ્રણામ કરવા લાગ્યો.(૪૧)ભાનું માને કહેવા લાગ્યો ” મા મારે કશું જ જોઇતું નથી.(૪૨)તારી ભક્તિ આપ, તને સમજવાની શક્તિ આપ.(૪૩)પાના નંબર – ૧૬
બ્રહ્મલક્ષ્મી બોલ્યાઃ-બેટા, હું સ્વતંત્ર વ્યાપ્ત અને અનંત છું. મારૂં પ્રાગાટ્ય આપો આપ થાય છે.(૪૪)હું, ભાવસ્વરૂપ છું અને ફક્ત જ્ઞાનની આંખથી જ મારા દર્શન થાય છે.(૪૫)મારા ભાવને સમજવા માટે કે સમજાવવા માટે કોઇ સમર્થ નથી.(૪૬)મારો ભાવ ફક્ત અનુભવી શકાય છે. અને જ્યારે અનુભવાય છે ત્યારે માનવીને આપોઆપ વિજય, સુખ, આનંદ અને શાંતિ મળે છે.(૪૭)હું હંમેશા “બ્રહ્મનારાયણ” રૂપમાં લીન રહું છું. “બ્રહ્મનારાયણ” રૂપમાં લીન રહેનારને હું આપોઆપ પ્રાપ્ત થાઉં છું.(૪૮)પ્રકૃતિના આદેશથી તારી પાસે “બ્રહ્મનારાયણ” રૂપ અને “બ્રહ્મલક્ષ્મી” રૂપનું પ્રાગટ્ય થયું છે.(૪૯)તારા શુભ કર્મની અને શુભ ભક્તિની આ મહામુલ્યવાન ભેટ પ્રકૃતિએ તને આપી છે. (૫0)મારા આ ભાવથી તમામ તાકાતો તારી પાસે આવો, તું જીવનના સૂક્ષ્મ સ્વરૂપોને સમજી શકે તેવી શક્તિ તારી પાસે આવો. સાર્વત્રિક બ્રહ્મનારાયણ તારૂ રક્ષણ કરે તેવા મારા આર્શીવાદ છે.(૫૧)આમ બોલતાની સાથે “બ્રહ્મલક્ષ્મી” નું રૂપ અદ્રશ્ય થયું અને મા માનસપટ પર આવ્યા અને બોલ્યા. (૫૨)પાના નંબર – ૧૭
મા બોલ્યા –બેટા, આ મારા સર્વોતમ રૂપ તને બતાવ્યા અને આ બ્રહ્માંડ ચલાવવાના મારા ગુપ્ત ભાવોને મેં તારી પાસે પ્રગટ કર્યા. (૫૩)બસ, હું સમગ્ર પ્રકૃતિ છું. જીવનમાં ઉચ્ચતમ ભાવોને પામીને મારા ભાવોને જ્ઞાન ચક્ષુથી સમજવાથી બ્રહ્માંડ ચલાવવાની “મારી રીતની” તને ખબર પડશે.(૫૪)કોઇ ટુંકા ગાળાને નહિ પરંતુ લાંબા ગાળાને નજરમાં રાખી, સમગ્રતાને ધ્યાનમાં રાખી તું જોઇશ તો તરત જ મારો આ ભાવ પ્રગટ થતો જોવા મળશે.(૫૫)વિજ્ઞાનના મૂળભૂત જડપદાર્થોના નિયમો છે તેવો જ આ મારો ભાવ પ્રગટ થવાનો નિયમ છે.(૫૬)તું આનો અભ્યાસ કર અને જણાવ કે ફક્ત શુભ કર્મનું હું શુભ ફળ આપું છું અને અશુભ કર્મનું અશુભ ફળ આપું છું.(૫૭)ટૂંકાગાળામાં આ દેખાય નહિ પણ લાંબા ગાળામાં આ ભાવનું પ્રાગટ્ય જ્ઞાનીને થાય છે જ.(૫૮)તારૂ કલ્યાણ થાઓ.(૫૯)મા, આટલું બોલી માનસપટ પરથી અદ્રશ્ય થયા.(૬0)ભાનું “મા””મા” કરતો લવારો કરતો બેભાન અવસ્થામાં પડ્યો રહ્યો. (૬૧)ત્રીજો અધ્યાય સમાપ્ત
